கூகுள் குரோம் பிரௌசரில் மறைந்துள்ள புதிய வசதி! (Sneak Peek)

 

இன்று இன்டர்நெட் பொதுவாக அனைவராலும் பயன்படுத்தப்பட்டு வருகின்றது.

அதிலும் மொபைல் போன் மூலம் இணையத்தை பயன்படுத்துபவர்களே இன்று அதிகம். அவ்வாறு இணையத்தை பயன்படுத்துபவர்களில் ஆண்ட்ராய்டு போன் மூலம் குரோம் இணைய உலாவியை பயன்படுத்துபவர்கள் ஏராளாம்.

கூகுள் குரோம் பிரவுசர் பயன்படுத்துவதற்கு இலகுவானதும் ஏராளமான வசதிகளை தரக்கூடியதும் ஆகும்.

இதில் நீங்கள் இதுவரை அறிந்திராத புதியதொரு பயனுள்ள வசதியும் வழங்கப்பட்டுள்ளது. அந்த புதிய வசதியை பெற்றுக்கொள்ள நாம் இங்கே வழங்கியுள்ள குரோம் பீட்டா பதிப்பை நீங்கள் பதிவிறக்கம் செய்ய வேண்டும்.

ஆண்ட்ராய்டு குரோம் பிரவுசரில் புதியதொரு வசதி அறிமுகப்படுத்தப்படுவதற்கு முன்பு அந்த வசதி பீட்டா பதிப்பில் வழங்கப்பட்டு சோதனை படுத்தப்படுகின்றது.

அவ்வாறானதொரு Sneak-Peek எனும் வசதியே இதுவாகும்.

இந்த வசதியை நீங்கள் செயற்படுத்திக் கொண்டதன் பின்னர் இணையதளங்களில் இணைக்கப்பட்டுள்ள இன்னுமொரு இணையப் பக்கத்தை குறிப்பிட்ட இணையத்தளத்தில் இருந்தே பார்க்க முடியும்.

அதாவது நீங்கள் இந்த பதிவை வாசிக்கும்போது நான் இங்கே இன்னும் ஒரு பதிவிற்கான இணைப்பை வழங்கி இருக்கிறேன் என்று வைத்துக்கொள்ளுங்கள். நீங்கள் அதனை க்ளிக் செய்தால் அது புதியதொரு தாவலில் (Tab) திறக்கும் அல்லவா? அனால் Sneak-Peek வசதியை செயற்படுத்துவதன் மூலம் இந்த பதிவை விட்டுச்செல்லாமல் இதற்கு மேலால் மற்றைய இணைப்பை திறந்து கொள்ளலாம். ( மேலே வழங்கப்பட்டுள்ள படத்தை அவதானிப்பதன் மூலம் இதனை விளங்கிக் கொள்ளலாம்)