இன்ஸ்டாவால் டீன் ஏஜ் பெண்களுக்கு ஆபத்தா… கிட்ஸ் வெர்ஷனுக்கு சிக்கல்

இன்ஸ்டாகிராம் கிட்ஸ் செயலியில் விளம்பரங்கள் இருக்காது. சிறுவர்களின் வயதுக்கு ஏற்ற உள்ளடகத்தை கொண்டிருக்கும். மேலும், பெற்றோர் குழந்தைகள் எவ்வளவு நேரம் செயலி பயன்படுத்துகின்றனர்,யாருக்கு மெசேஜ் அனுப்புகின்றனர், யாரை பின்தொடர்கின்றனர் என்பதை காண முடியும்.

பேஸ்புக் நிறுவனம் 13 வயதுக்கு உட்பட்ட சிறுவர்களுக்காக பிரத்யேகமாக தயாரித்த இன்ஸ்டாகிராம் கிட்ஸ் செயலியை அறிமுகப்படுத்தத் திட்டமிட்டிருந்தது. ஆனால்,  இத்தகைய செயலிகள் டீன் ஏஜ் பெண்களின் மனநிலை எவ்வாறு பாதிக்கிறது என்பது குறித்து முக்கிய குழுக்கள் ஆய்வு நடத்துவதைத் தொடர்ந்து, இன்ஸ்டாகிராம் தனது கிட்ஸ் செயலி அறிமுகத்தை  தள்ளிவைத்துள்ளது.

மேலும், ஃபேஸ்புக்கின் உலகளாவிய பாதுகாப்புத் தலைவர் ஆன்டிகோன் டேவிஸ் அமெரிக்க செனட் வர்த்தக துணைக்குழு முன்பு நாளை(செப்டம்பர் 30) ஆன்லைன் குழந்தைகளுக்கு எவ்வாறு பாதுகாப்பாக இருக்கிறது குறித்தும்,டீன் ஏஜ் பெண்களுக்கு  ஏற்படும் மனநிலை பிரச்சினை குறித்தும் தி வோல் ஸ்ட்ரீட் ஜர்னலின் வெளியிட்ட சமீபத்திய அறிக்கையின் அடிப்படையில் ஆஜராக உள்ளார்.
தி வோல் ஸ்ட்ரீட் ஜர்னல் அறிக்கை கூறுவது என்ன?
இந்த அறிக்கையானது பேஸ்புக் நடத்திய சொந்த ஆய்வில் இன்ஸ்டாகிராம் அதன் பயனாளர்களில் டீன் ஏஜ் பெண்களை அதிகளவில் பாதிப்பது கண்டறியப்பட்டதை சுட்டிக்காட்டியுள்ளது. அவர்களின் மனதில் எதிர்மறையான சிந்தனைகளை விதைக்கிறது. குறிப்பாக, அவர்களது உடல் குறித்த கவலைகளை மேலும் அதிகரிக்க இன்ஸ்டாகிராம் வழிவகுக்கிறது ஆகும்.
கணக்கெடுக்கப்பில் மூன்று டீன் ஏஜ் பெண்களில் ஒருவருக்கு உடல் உருவப் பிரச்சினைகளை மோசமாக்கியது. அதிலும் குறிப்பாக, அமெரிக்கா மற்றும் பிரிட்டன் போன்ற இடங்களில் டீன் ஏஜ் வயது பெண்களுக்கு மனநிலை மாறியதாகவும், இன்ஸ்டாகிராம் பயன்படுத்திய காரணத்தினால் சில நேரங்களில் மனநிலை மாறி தற்கொலைக்கு முயன்றதாகவும் கூறியுள்ளனர் என்று ஆய்வின் முடிவில் தெரிவிக்கப்பட்டுள்ளது. இன்ஸ்டாகிராம் மூலம் தற்கொலை எண்ணங்கள் வந்ததாக 13 சதவிகித பிரிட்டிஷ் பயனர்கள் மற்றும் 6 சதவிகித அமெரிக்கப் பயனர்கள் கூறியுள்ளதாக ஆய்வில் தெரிவிக்கப்பட்டுள்ளது.

பேஸ்புக் டிபன்ஸ் என்றால் என்ன?
WSJ கூற்றுக்கு மறுப்பு தெரிவித்து பேஸ்புக் துணைத் தலைவரும் ஆராய்ச்சித் தலைவருமான பிரதிதி ராய்சவுத்ரி கருத்து பதிவிட்டிருந்தார். அவர், “நாங்கள் நடத்திய ஆராய்ச்சி, எங்கள் தளத்தில் உள்ள பிரச்னைகளை கண்டறிந்து, அவற்றை சரிசெய்யும் நோக்கத்தின் ஒருபகுதியாகும். எந்த இடத்தில் மேம்படுத்த வேண்டும் என்பதைக் கண்டறியவே, இத்தகைய ஆராய்ச்சியை மேற்கொள்கிறோம். அதன் காரணமாகவே, ஆய்வு முடிவில் மோசமான முடிவுகள் ஹைல்லைட் செய்து காட்டப்பட்டிருந்தது. அதே போல, பல டீன் ஏஜ் பெண்கள், தங்களது மோசமான சூழ்நிலையிலிருந்து வெளிவர இன்ஸ்டாகிராம் உதவியாக இருந்தது என கூறியதாக தெரிவித்தார்.

ஃபேஸ்புக்கின் கூற்று என்னவென்றால், பெரும்பாலான நேரங்களில் மன உளைச்சலில் இருந்த டீன் ஏஜ் பெண்களுக்கு இன்ஸ்டாகிராம் உதவியாக தான் இருந்துள்ளது. கவலை, தனிமை உள்ளிட்ட பல பிரச்சினைகளிலிருந்து வெளிவர உதவியுள்ளது.
பதட்டம் மற்றும் மனச்சோர்வு விகிதத்தில் இன்ஸ்டாகிராம் பாதிப்பு ஏற்படுத்துவதாகக் குற்றஞ்சாட்டு முன்வைக்கப்பட்டுள்ளது வெறும் 40 பேரின் பதில் தான். இந்த செயலியை பில்லியன் கணக்கான மக்கள் பயன்படுத்தி வரும் நிலையில், 40 பயனர்களின் பதில்களை பெரும் பங்காக எடுத்து விமர்சிப்பது சரியில்லை.
மேலும், இதுவரை  ஆய்வின் முடிவுகளை பொதுவெளியில் முழுமையாக பேஸ்புக் வெளியிடவில்லை என்பது குறிப்பிடத்தக்கது.

கிட்ஸ் செயலியை நிறுத்த காரணம் என்ன?
இன்ஸ்டாகிராம் தலைவர் ஆடம் மொசேரி கூறுகையில், ” இன்ஸ்டாகிராஸ் கிட்ஸ் செயலி அறிமுகம் தற்காலிகமாக நிறுத்தவைக்கப்பட்டுள்ளது. பெற்றோர்கள், வல்லுநர்கள் மற்றும் கொள்கை வகுப்பாளர்களுடன் இந்த தயாரிப்புக்கான மதிப்பை மற்றும் தேவையை நிரூபிக்க இந்த நேரத்தை நாங்கள் பயன்படுத்துவோம். 
இன்ஸ்டாகிராம் கிட்ஸ் என்பது 13 வயதிற்குட்பட்ட குழந்தைகளுக்கான செயலியாக இருக்கும். ஏனென்றால், இன்ஸ்டாகிராமில் கணக்கு தொடர குறைந்தது 13 வயது எட்டியிருக்க வேண்டும். ஆனால், தற்போது குழந்தைகளுக்கு சிறு வயதிலே ஸ்மார்ட்போன் கிடைத்துவிடுகிறது. வயதுக்கு மீறிய சில செயலிகளை அவர்கள் பதிவிறக்கம் செய்கின்றனர்.

இதைக்கருத்தில் கொண்டு, கிட்ஸ் செயலி தொடங்க முடிவு செய்தோம். இன்ஸ்டாகிராம் கிட்ஸ் வெர்ஷனில்  குழந்தைகளை காட்டிலும் பெற்றோருக்கு அதிக கட்டுப்பாட்டையும் மேற்பார்வையும் கொடுக்கிறது. இச்செயலி 10-12 வயதுக்குட்பட்ட குழந்தைகளை இலக்காகக் கொண்டது. பெற்றோர் அனுமதியளிக்கும் பட்சத்தில் தான், இதில் சேர முடியும். இதில் விளம்பரங்கள் இருக்காது. சிறுவர்களின் வயதுக்கு ஏற்ற உள்ளடகத்தை கொண்டிருக்கும். மேலும், பெற்றோர் குழந்தைகள் எவ்வளவு நேரம் செயலி பயன்படுத்துகின்றனர்,யாருக்கு மெசேஜ் அனுப்புகின்றனர், யாரை பின்தொடர்கின்றனர் என்பதை காண முடியும் என்கிறார்.

இன்ஸ்டாகிராம் மனநிலையைப் பாதிப்பதாகக் கூறுவது ஏன்?
பெரும்பாலான சமூக ஊடகங்கள் குறிப்பிட்ட வயதினரை மனசோர்வில் ஆழ்த்துவதாக கூறப்படுகிறது. அதில், இன்ஸ்டாகிராம் முக்கிய பங்கு வகிப்பதாக உள்ளது. இன்ஸ்டாகிராமை முழு நேரம் பயன்படுத்துவோர் பல புகைப்படங்கள், பில்டர், முகத்தை நிறத்தை அதிகரிப்பது போன்ற பல்வேறு செயல்களில் ஈடுபடுகின்றனர். இத்தகை கவர்ச்சி கலாச்சாரத்தின் ஆதிக்கம் சமூகத்தில் நச்சு கலந்த சூழலை  ஏற்படுத்துகிறது. ஆராய்ச்சியாளர்களில் ஒருவர் WSJ யிடம் “இன்ஸ்டாகிராம் ஒரு மருந்து போன்றது’. அதை ஆய்வு செய்ய வேண்டும்” என கூறியுள்ளார்.

உடல் உருவப் பிரச்சினைகளில் டீன் ஏஜ் பெண்களுக்கானது மட்டும் அல்ல. இளம்பெண்களும் அதிகளவில் பாதிக்கப்படுகின்றனர். இந்தாண்டு இங்கிலாந்து தேசிய சுகாதார மையம் இன்ஸடாகிராம் நிறுவனத்தைக் கடுமையாகச் சாடி பதிவிட்டிருந்தது.
சுகாதார மையம், இன்ஸ்டாகிராம் நிறுவனத்தை தொடர்பு கொண்டு, உடல் எடையை அதிகரிக்க உதவும் ‘Apetamin’மருந்தின் விளம்பரங்களை பதிவிடும் கணக்குகளை கண்டறிந்து தடை செய்ய வேண்டும். இந்த விளம்பரத்தை முழுமையாக நீக்கிட கோரியுள்ளது. ஏனென்றால், இந்த மருந்து பயன்படுத்தினால் சிறுநீரக செயலிழப்பு ஏற்படும் அபாயம் உள்ளது. ஆனால், இன்ஸ்டாகிராம் இந்த மருந்தை விற்கும் கணக்குகளை தான் நீக்க முடியும். விளம்பரம் செய்யும் கணக்குகளைக் கண்டறிவது கடினமான பணி என பதிலளித்துள்ளது.

இத்தகைய விளம்பரங்கள் மூலம் டீன் ஏஜ் பெண்களை தவறான பாதைக்கு அழைத்துச் செல்லும் தளமாக இன்ஸ்டாகிராம் இருப்பதாக சமூக ஆர்வலர்கள் கூறுகின்றனர்.

Read More

WhatsApp-ல் யுபிஐ பேமெண்ட்டுகளுக்கு கேஷ்பேக் வழங்க திட்டம்!

வாட்ஸ்அப் நிறுவனம் தனது UPI பேமெண்ட்ஸ் அம்சத்தை பயனர்களிடம் பிரபலப்படுத்த கேஷ்பேக் வழங்க திட்டமிட்டுள்ளது.

இந்தியாவில் UPI பேமெண்ட்களை பொறுத்தவரை ஏற்கனவே Google Pay, PhonePe, Paytm போன்ற நன்கு அறியப்பட்ட ஆப்கள் ஆதிக்கம் செலுத்தி வருகிறது.

இந்த நிலையில், தானும் இந்த பட்டியலில் சேர வாட்ஸ்அப் நிறுவனம் தனது UPI பேமெண்ட்ஸ் அம்சத்தை பயனர்களிடம் பிரபலப்படுத்தும் முயற்சியில் இறங்கியுள்ளது.

பேஸ்புக்கிற்கு சொந்தமான மற்றும் உலகம் முழுவதும் பிரபல மெசேஜிங் App-ஆக இருந்து வரும் வாட்ஸ்அப்-பின் லேட்டஸ்ட் அம்சங்களில் ஒன்று தான் வாட்ஸ்அப் பேமண்ட்ஸ்.

இந்தியாவிலேயே கோடிக்கணக்கான மக்கள் வாட்ஸ்அப்பை மெசேஜிங் காரணங்களுக்காக பயன்படுத்தினாலும் கூட, இதன் பேமெண்ட்ஸ் ஆப்ஷனை யாரும் அவ்வளவாக பயன்படுத்தப்படுவதில்லை. எனவே வாட்ஸ்அப் தனது பேமெண்ட்ஸ் அம்சத்தை வாடிக்கையாளர்கள் பயன்படுத்த ஊக்குவிக்கும் முயற்சிகளில் தொடர்ந்து ஈடுபட்டுள்ளது.

இதன் ஒரு பகுதியாக வாட்ஸ்அப் தனது பேமெண்ட்ஸ் அம்சத்தை மார்க்கெட்டிங் செய்ய, போட்டியாளரான கூகுளின் பேமெண்ட் சேவையான Google Pay-வை போலவே கேஷ்பேக் ஆஃபர்களை கொண்டு வரலாம் என்று தகவல்கள் வெளியாகி இருக்கின்றன.

வாட்ஸ்அப் டிராக்கரான WABetaInfo-ன் தகவலின் படி, வாட்ஸ்அப் மூலம் செய்யப்படும் UPI பேமெண்ட்ஸ்களுக்கு, விரைவில் வாட்ஸ்அப் கேஷ்பேக் சலுகைகளை தர உள்ளதாக கூறப்பட்டு இருக்கிறது. இருப்பினும் இந்த அம்சம் இன்னும் டெவலப்பிங் ஸ்டேஜில் உள்ளது மற்றும் பீட்டா டெஸ்டர்ஸுக்கு இது சென்றடைய இன்னும் சில வாரங்கள் ஆகலாம் என்றும் கூறப்படுகிறது.

2018-ஆம் ஆண்டின் துவக்கத்தில் வாட்ஸ்அப் யுபிஐ அடிப்படையிலான பேமெண்ட்ஸ்களை அறிமுகப்படுத்தியது. எனினும் இந்த சேவை சில வருடங்கள் பீட்டா வெர்ஷனில் இருந்தது, அதே நேரத்தில் வாட்ஸ்அப் யுபிஐ சேவைகளை வழங்க தேவையான அனைத்து அனுமதிகளையும் பெற்றது.

இதனை தொடர்ந்து கடந்த ஆண்டு, அனைத்து யூஸர்களுக்கும் வாட்ஸ்அப் பேமெண்ட்ஸ் அம்சம் அறிமுகப்படுத்தப்பட்டது. என்றாலும் கோடிக்கணக்கான இந்திய யூஸர்களை கொண்ட வாட்ஸ்அப்-பின் இந்த புதிய அம்சம் நாட்டில் பெரியளவில் இன்னும் வரவேற்பை பெறவில்லை.

இந்நிலையில் அடுத்தடுத்து வரும் வாட்ஸ்அப் வெர்ஷன் அப்டேட்களின் போது இந்த சலுகை அம்சம் சேர்க்கப்படும் என்று எதிர்பார்க்கப்படுவதாகவும் WABetaInfo தகவல் தெரிவித்து, வரவிருக்கும் அம்சத்தின் ஸ்கிரீன்ஷாட்டயும் சோஷியல் மீடியா போஸ்ட்டில் சேர்த்துள்ளது. 

Read More

Smart Phoneல் வேகமாக சார்ஜ் ஏற்றுவது எப்படி? பலரும் அறியாத சூப்பரான ட்ரிக்ஸ்

 

இப்போது உள்ள தலைமுறைகளுக்கு பிடிக்காத விடயம் என்றால் ஸ்மார்ட்போனில் சார்ஜ் சீக்கிரம் தீர்ந்துவிடுவது தான்.

ஸ்மார்ட்போனில் வேகமாக சார்ஜ் ஏற வேண்டும் என பலரும் விரும்புவார்கள்.

உங்களின் ஸ்மார்ட்போன்களை வேகமாக சார்ஜ் செய்ய சில எளிய வழிமுறைகளை பற்றி பார்ப்போம்

சரியான சார்ஜரை மட்டும் பயன்படுத்த வேண்டும்

ஸ்மார்ட்போன்களை எப்போதும் அதனுடன் வழங்கப்பட்ட சார்ஜர் கொண்டு சார்ஜ் செய்ய வேண்டும். வீடு அல்லது அலுவலகம் போன்ற இடங்களில் கணினி இருக்கிறது என்பதற்காக கணினியில் யுஎஸ்பி கொண்டு சார்ஜ் செய்வதை தவிர்க்க வேண்டும். யுஎஸ்பி கொண்டு சார்ஜ் செய்யும் போது சார்ஜ் ஆக வழக்கத்தை விட அதிக நேரம் எடுத்து கொள்ளும். ஸ்மார்ட்போன்களுக்கு சார்ஜ் செய்ய சாதாரண சார்ஜரை மட்டும் பயன்படுத்தினால் வேகமாக சார்ஜ் செய்யலாம்.

ஏர்பிளேன் மோட்

ஸ்மார்ட்போனினை எத்தனை நிமிடங்கள் சார்ஜ் செய்தாலும் அதனினை ஏர்பிளேன் மோடில் (Airplane Mode) வைத்து சார்ஜ் செய்தால் சீக்கிரம் சார்ஜ் செய்திட முடியும். ஏர்பிளேன் மோடில் இருக்கும் போது ஸ்மார்ட்போனில் இணையம், மற்றும் நெட்வொர்க் சிக்னல் உள்ளிட்டவற்றின் பயன்பாட்டை நிறுத்தி போனின் இயக்கத்தை குறைக்கும். இதனால் ஸ்மார்ட்போனில் வேகமாக சார்ஜ் ஆகிவிடும். ஏர்பிளேன் மோடில் இருக்கும் போது உங்களுக்கு எவ்வித அழைப்பும், குறுந்தகவல்களும் வராது என்பதை நினைவில் கொள்ள வேண்டும்.

தேவையற்ற அம்சங்களை நிறுத்தினால் சார்ஜ் வேகமாக ஏறும் 

ஸ்மார்ட்போனில் வை-பை, ப்ளூடூத், என்எஃப்சி, மொபைல் டேட்டா உள்ளிட்ட கனெக்டிவிட்டி ஆப்ஷன்களை ஆஃப் செய்து வைக்க வேண்டும். இவ்வாறு செய்யும் போதும் சார்ஜ் சீக்கிரம் நிரப்பப்படும். ஸ்மார்ட்போனில் தேவையற்ற அம்சங்களை ஆஃப் செய்து வைப்பதன் மூலம் சார்ஜிங் வழக்கத்தை விட வேகமாக இருப்பதை காண முடியும்.

 

Read More

இன்ஸ்டா ட்விட்டரில் இருந்து வாட்ஸ் அப்க்கு வரும் சூப்பரான அம்சம்- எதிர்ப்பார்ப்பில் பயனாளர்கள்!

 

வாட்ஸ் அப் நிறுவனமானது பயனாளர்கள் அடிக்கடி புது புது வசதியை அறிமுகப்படுத்தி வருகிறது. அந்த வகையில், வாட்ஸ்அப் செயலியில் குறுந்தகவல்களுக்கு ரியாக்ட் செய்யும் வசதி விரைவில் வழங்கப்பட இருக்கிறது.

இதனை வாட்ஸ் அப் அம்சங்களை ஆய்வு செய்யும் தனியார் நிறுவனம் உறுதிப்படுத்தி இருக்கிறது. மேலும், இன்ஸ்டாகிராம் மற்றும் ட்விட்டர் தளங்களில் குறுந்தகவல்களுக்கு ரியாக்ட் செய்யும் வசதி வழங்கப்பட்டு இருக்கிறது.

அந்த வரிசையில் தற்போது இந்த அம்சம் வாட்ஸ்அப் செயலியிலும் வழங்கப்பட இருக்கிறது. இந்த அம்சம் கொண்டு குறுந்தகவல்களுக்கு எமோஜி மூலம் ரியாக்ட் செய்யலாம்.

இது பேஸ்புக் பதிவுகளுக்கு லைக் மற்றும் இதர எமோஜி மூலம் ரியாக்ட் செய்வதை போன்றே செயல்படும். இன்ஸ்டாகிராமில் ரியாக்ட் செய்ய, குறுந்தகவலை அழுத்திப்பிடித்து பாப்-அப் ஆகும் எமோஜியில் ஒன்றை க்ளிக் செய்ய வேண்டும்.

வாட்ஸ்அப் செயலியிலும் புதிய அம்சம் இதேபோன்றே வழங்கப்படும் என தெரிகிறது. 

Read More

ஸ்மார்ட் போனை பராமரிப்பது எப்படி? போனில் உள்ள அழுக்குகளை வெளியேற்ற இப்படி செய்தால் போதும்…

 

ஸ்மார்ட் போனை பலரும் உபயோகப்படுத்தினாலும் அதை அவர்கள் சரியாக பராமரிக்கிறார்களா என்பது கேள்விக்குறியே!

சரி, ஸ்மார்ட் போன்களை பராமரிப்பது எப்படி என காண்போம்.

பேட்டரி & சார்ஜிங்

உங்கள் பேட்டரியை எப்பொழுதும் முழுவதுமாய் சார்ஜ் செய்து வைத்துக் கொள்ளுங்கள், எனவே அவசர நேரத்தில் நீங்கள் வாய்ஸ் காலிங் அல்லது மெசேஜ் அனுப்ப எந்த தடையும் இல்லாமல் இருக்க முடியும். மேலும், எப்போதும் உங்கள் மொபைல் போன் உற்பத்தியாளர் அல்லது அங்கீகரிக்கப்பட்ட உண்மையான பேட்டரிகளை மட்டும் வாங்கி பயன்படுத்துங்கள்.

டச் லாக்

உங்கள் போனின் டச் லாக் மற்றும் கீப்பேட் லாக் சேவைகளை எப்பொழுது லாக் செய்து வைப்பது அவசியம். இதனால் உங்கள் போன், உங்கள் ஹேண்ட்பேக் அல்லது சட்டைப் பைகளில் இருக்கும் பொழுது நிகழும் தேவை இல்லாத அழைப்புகள் மற்றும் செயலிகள் டெலீட் ஆவது தடுக்கப்படும்.

ஸ்மார்ட் போன்களை சுத்தம் செய்வது அவசியம்

உங்கள் போன்களை மென்மையான துணியால் அடிக்கடி சுத்தம் செய்யலாம். ஏனெனில் தூசிகள் மற்றும் அழுக்குகள் உங்களின் போன்களை பாதிக்கக்கூடும். தண்ணீர், கடுமையான சோப்பு திரவம், சால்வெண்ட் அல்லது கடுமையான இரசாயனங்கள் போன்ற திரவங்களை போனில் பயன்படுத்துவதைத் தவிர்க்கவும்.

அப்படி திரவங்கள் மற்றும் அதிக ஈரப்பதம் உள்ள இடங்களில் பட்டுவிட்டால் உங்கள் போன் சேதமடையக் கூடும், அதனால் உங்கள் போன்களை சில நேரங்களில் உலர வைப்பது அவசியம்.

மொபைல் போன் கவர்

தேவை இல்லாத கீறல்கள், தூசி மற்றும் அழுக்குகளிலிருந்து உங்கள் போனை பாதுகாத்துக்கொள்ள நல்ல உறுதியான மொபைல் கவர்களை பயணப்படுத்துங்கள். உங்கள் போனை கையிலிருந்து நழுவவிடுவது அல்லது தேவையில்லாமல் வேகமாக அசைப்பது போன்ற செயல்களைத் தவிர்க்கவும்.

 

 

Read More

உங்கள் மொபைலின் பாஸ்வேர்டு மறந்துவிட்டதா? இதனை எப்படி அன்லாக் செய்வது?

பொதுவாக உங்கள் மொபைலின் பாஸ்வேர்டு மறந்துவிட்டால் குறிப்பிட்ட சில வழிமுறைகள் மூலம் அன்லாக் செய்ய முடியும்.

ஆனால் மொபைலில் உள்ள அனைத்து தரவுகளும் அழிந்துவிடும் . குறிப்பாக மொபைலில் உள்ள எஸ்எம்எஸ், மற்றவர்களின் தொடர்பு எண்கள், ஆப்ஸ், போன்ற அனைத்து தரவுகளும் அழிந்துவிடும்.

அந்தவகையில் மொபைலின் பாஸ்வேர்டு மறந்துவிட்டால் அன்லாக் செய்வது எப்படி என்பதை பற்றி தெரிந்து கொள்வோம். 

• உங்கள் மொபைலின் பாஸ்வேர்டு மறந்துவிட்டால், முதலில் மொபைலை ரீசெட் செய்த பின்பு, பவர் ஆஃப் செய்ய வேண்டும்.
  
  
• அடுத்து உங்கள் மொபைலின் VOLUME BUTTON, பவர் பட்டன், ஹோம் பட்டன் போன்றவற்றை ஒன்றாக அழுத்த வேண்டும்.
  
  
• அதன்பிறகு மொபைலில் ஆண்ட்ராய்டு லோகோ காணப்படும், பின்பு பல்வேறு பட்டியல் உங்கள் மொபைலில் இடம்பெறும்.
  
  
• அதன்பின்பு கொடுக்கப்பட்ட பட்டியலில் wipe cache partition-எனும் விருப்பத்தை கிளிக் செய்ய வேண்டும்.
  
  
• அடுத்து wipe data/factory reset-எனும் விருப்பத்தையும் கிளிக் செய்ய வேண்டும். பின்பு ஆம் அனைத்து பயனர் தரவு நீக்கு (yes-delete all user data) என்பதை கிளிக் செய்ய வேண்டும்.
  
  
• கடைசியாக reboot system now-என்ற விருப்பத்தை கிளிக் செய்தால், உங்கள் மொபைலை பழையபடி உபயோகம் செய்யமுடியும். 

Read More

15600mAh பேட்டரி கொண்ட உலகின் முதல் ஸ்மார்ட்போன்... இதன் விலை மற்றும் சிறப்பு அம்சம் என்ன தெரியுமா?

 இன்றைய நவீன காலக்கட்டத்தில் செல்போன் தேவைகள் அதிகரிப்பு மக்களிடையே அதிகரித்துள்ளது. பல ஸ்மார்ட்போன்கள் தற்போது பேட்டரி அதிகமாக புழக்கத்துடன் வந்துள்ளது,.

அந்த வகையில், Oukitel நிறுவனம் WP15 என்ற சூப்பரான ஸ்மார்ட்போனை அறிமுகப்படுத்தியுள்ளது,. இந்த போனில், 15600 mAh பேட்டரி உள்ளதாம்.மேலும் மீடியாடெக் டிமான்சிட்டி 700 ப்ரோசெசர் போனில் கொடுக்கப்பட்டுள்ளது.

இந்த ஸ்மார்ட்போன் அமெரிக்க சந்தையில், Oukitel நிறுவனம் WP15 ஸ்மார்ட்போனை அறிமுகப்படுத்தியுள்ளது, இது வலுவான பேட்டரியுடன் அறிமுகப்படுத்தப்பட்டுள்ளது.

Oukitel WP15 இன் சிறப்பம்சம் அதன் பேட்டரி. இதில் 15600 mAh பேட்டரி உள்ளது. இது ஒரு முறை சார்ஜ் செய்தால் 6 நாட்கள் பேட்டரி பேக்கப் கொடுக்கும் திறன் கொண்டது. இது தவிர, போன் அதன் செயலி போன்ற பல சிறப்பு அம்சங்களைக் கொண்டுள்ளது.

மீடியாடெக் டிமான்சிட்டி 700 ப்ரோசெசர் போனில் கொடுக்கப்பட்டுள்ளது. எனவே அதன் விலை மற்றும் அம்சங்களின் முழு விவரங்களையும் பார்ப்போம். நாங்கள் உங்களுக்குச் சொன்னது போல, இந்த போனில் சிறப்பு 15600 mAh பேட்டரி ஆகும், இது ஒரு முறை சார்ஜ் செய்தால் 6 நாட்கள் பேட்டரி பேக்கப்பை வழங்குகிறது.

அதே நேரத்தில், பூஜ்ஜியத்திலிருந்து 100%வரை சார்ஜ் செய்ய 5 மணி நேரம் ஆகும். இந்த போனின் பேட்டரி 18W ஃபாஸ்ட் சார்ஜ் மற்றும் ரிவர்ஸ் சார்ஜ் ஆகியவற்றை ஆதரிக்கிறது. இது தவிர, வேறு எந்த போன் அல்லது சாதனத்தையும் இந்த போனிலிருந்து சார்ஜ் செய்யலாம்.

Oukitel WP15 ஸ்மார்ட்போன் 6.52-இன்ச் HD+ வாட்டர் டிராப் டிஸ்ப்ளே கொண்டுள்ளது. இதன் பிக்சல் ரெஸலுசன் 720 × 1600 ஆகும். இந்த போனில் MediaTek Dimensity 700 ப்ராசசர் மற்றும் 8 GB ரேம் பொருத்தப்பட்டுள்ளது.

இது 128 ஜிபி ஸ்டோரேஜை கொண்டுள்ளது, இது மைக்ரோ எஸ்டி கார்டு வழியாக 256 ஜிபி வரை அதிகரிக்க முடியும். Oukitel WP15 IP68 மற்றும் IP69K ரேட்டிங்க்ளை கொண்டுள்ளது.

இது தூசி மற்றும் வாட்டர் ஆதாரம். இதை 1.5 மீட்டர் வரை தண்ணீரில் எளிதாகப் பயன்படுத்தலாம். போனில் மூன்று பின்புற கேமரா உள்ளது, அதன் முதன்மை சென்சார் 48 மெகாபிக்சல்கள். இரண்டாவது 2 மெகாபிக்சல் மேக்ரோ சென்சார் மற்றும் மூன்றாவது 0.3 மெகாபிக்சல் வெர்ஜுவால் சென்சார்.

போனில் செல்ஃபிக்கு AI சென்சார் உள்ளது. இதன் விலை $ 299.99 அதாவது சுமார் ரூ .22,283. எந்த 100 வாடிக்கையாளர்கள் முதலில் அதை வாங்குகிறார்களோ, அவர்களுடன் இலவச ஸ்மார்ட்வாட்ச் வழங்கப்படும். அதே நேரத்தில், 101 முதல் 600 வாடிக்கையாளர்களுக்கு இலவச இயர்பட்கள் வழங்கப்படும்.

Read More

PDF கோப்புக்களை எவ்வாறு ஒன்றாக இணைப்பது?

பல்வேறு தேவைகளுக்காக நாம் இன்று ஸ்மார்ட்பேசிகளிலும், கணனிகளிலும் PDF கோப்புக்களை பயன்படுத்துகின்றோம்.

இவ்வாறு ஒன்றுக்கும் மேற்பட்ட கோப்புக்களை ஒரே கோப்பாக இணைக்க வேண்டுமாயின் என்ன செய்ய வேண்டும் எது எளிமையான முறை என்பதனை பார்க்கப்போகின்றோம்.

PDF மென்பொருளை அறிமுகம் செய்த அடோப் நிறுவனமே இந்தற்கான தீர்வினை வழங்குகின்றது.

ஆன்லைனிலேயே மிகவும் எளிதாக பீ.டி.எப் கோப்புக்களை ஒன்றிணைக்க முடியும்.

Adobe's free online tool to combine PDFs என்ற லிங்கை கிளிக் செய்வதன் மூலம் மிகவும் சுலபமாக பல கோப்புக்களை ஒன்றிணைக்க முடியும்.

உதாரணமாக PDF வடிவில் உங்களிடம் காணப்படும் ஒரு தொகுதி படங்கள் அல்லது ஆவணங்களை ஒன்றிணைந்து ஓரு கோப்பாக உருவாக்க வேண்டுமாயின் இந்த லிங்கை அழுத்தி இலகுவில் உங்களது தேவையை நிறைவேற்றிக் கொள்ள முடியும்.

Select Files ஐ அழுத்தி தேவையான கோப்புக்களை தெரிவு செய்து கொள்ள வேண்டும்.

தேவையான அனைத்து கோப்புக்களையும் அப்லோட் செய்ததன் பின்னர் Merge/Combine Files என்பதனை அழுத்தி இந்த கோப்புக்களை ஒன்றிணைக்க முடியும்.

இவ்வாறு ஒரே கோப்பாக (File) ஒன்றிணைப்பதுடன் அதன் பக்கங்களை ஒழுங்கமைக்கவும், திருத்தங்களை செய்யவும், JPEG மற்றும் Word போன்ற வேறு ஓர் கோப்பு வடிவத்தில் மீள கோப்பினை சேமிக்கவும் முடியும்.

Read More

பேஸ்புக் நிறுவனத்தின் புதிய வசதி: குஷியில் நடுத்தர மக்கள்...

இந்தியாவில் உள்ள சிறு,குறு நடுத்தர நிறுவனங்களுக்கு கடன் பெற்று தரும் வசதியை தொடங்கவுள்ளதாக பேஸ்புக் நிறுவனம் தகவல் தெரிவித்துள்ளது.

சிறு, குறு நடுத்தர தொழில்களுக்கு கடன்களை பெற்று தரும் திட்டத்தினை இந்தியாவில் (India) தான் முதன்முதலில் ஃபேஸ்புக் நிறுவனம் தொடங்கியுள்ளது. மாநகரங்கள், நகரங்களில் 200க்கும் மேற்பட்ட இடங்களில் பதிவு செய்யப்பட்டுள்ள தொழில் நிறுவனங்களுக்கு இந்த கடனுதவி கிடைக்கும்.

இதனை சிறு தொழில் கடன் நிறுவனமான “இண்டிஃபையுடன் இணைந்து இத்திட்டத்தை செயல்படுத்தவுள்ளதாக கூறியுள்ளது. இதன் மூலம் இண்டிஃபை நிறுவனத்தின் கடன் திட்டங்கள் ஃபேஸ்புக்கில் விளம்பரம் செய்யப்படும். இதன் மூலம் தொழில் தொடங்க விரும்புபவர்கள் எளிதாக கடன் பெறலாம்.

இது குறித்து ஃபேஸ்புக் நிறுவனத்தின் இந்திய பிரிவு துணைத் தலைவர் அஜீத் மோகன் செய்தியாளர்க்களுக்கு காணொலி மூலமாக அளித்த பேட்டியில், ” ஃபேஸ்புக் மூலம் சிறு, குறு நடுத்தர தொழில் நிறுவனங்களுக்கு மிகவும் எளிதாக கடன் கிடைக்கும் வகையில் இந்த திட்டத்தை தொடங்கியுள்ளோம்.எங்களுடன் இண்டிஃபை நிறுவனமும் இத்திட்டத்தின் வாயிலாக இணைந்துள்ளது.

இதற்கடுத்த கட்டமாக மேலும் சில நிறுவனங்களுடன் இணைந்து இந்த திட்டத்தை தொடங்க திட்டமிட்டுள்ளோம். இத்திட்டத்தினை தொடங்குவதன் மூலம் ஃபேஸ்புக் நிறுவனத்திற்கு எந்த ஒரு வருவாயும் கிடைக்கப்போவதில்லை. ஃபேஸ்புக்கினை பயன்படுத்தி கடன் பெறுவதற்கு கட்டணம் ஏதும் நிறுவனம் வசூலிக்காது.

இந்த திட்டம் சிறு, குறு நடுத்தர தொழில் முனைவோரையும் , ஃபேஸ்புக் நிறுவனத்தையும் இணைக்கும் ஒரு பாலமாக இது இருக்கும்” என்று தெரிவித்தார். 

Read More

பெகாசஸ் ஸ்பைவேர் பற்றி நீங்கள் தெரிந்து கொள்ள வேண்டியவை !!!!

 பெகாசஸ் என்பது உளவுபார்க்கும் ஒரு  இரகசிய மென்பொருள்.இது  இஸ்ரேலை சேர்ந்த NSO இணைய பாதுகாப்பு நிறுவனத்தால் உருவாக்கப்பட்ட ஒரு ஸ்பைவேராகும்.வங்கதேசம்,மெக்சிகோ மற்றும்  சவுதி அரேபிய போன்ற பல  நாடுகள் NSO விடமிருந்து பெகாசஸ் மென்பொருளை வாங்கி பயன்படுத்துகின்றனர். நாட்டின் பாதுகாப்பிற்காகவே இந்த மென்பொருளை வாங்குவதாக அரசு கூறினாலும் அது மக்களை உளவுபார்க்கவே பயன்படுத்தபடுகிறது என குற்றம் சாட்டபடுகிறது.இருப்பினும் இந்தியா இந்த மென்பொருளை வாங்கியதா இல்லையா என அதிகாரபூர்வாக தெரியவில்லை.

இது முதன்முதலில் 2016 ஆம் ஆண்டில் வெளிச்சத்திற்கு வந்தது.இந்த ஸ்பைவேர்  ஐபோன் பயனர்களை முதலில் குறிவைத்தது. பல நாட்களுக்குப் பிறகு, ஆப்பிள் நிறுவனம் பெகாசஸ் பயன்படுத்தும் பாதுகாப்பு ஓட்டைகளை சரி செய்து அதன் லேட்டஸ்ட் iOS-ஐ வெளியிட்டது. அதன்பின் ஒரு வருடம் கழித்து,இது ஆண்ட்ராய்டு ஸ்மார்ட்போன்களையும் பாதிக்கும் திறன் கொண்டுள்ளது என்று பாதுகாப்பு ஆராய்ச்சியாளர்கள் கண்டறிந்தனர்.

பின்னர் 2019 ஆம் ஆண்டில், பெகாசஸை உருவாக்கியதற்காக NSO குழுமத்திற்கு எதிராக பேஸ்புக் வழக்கு பதிவு செய்தது.

ஒரு ஹேக்கர் முதலில்  ஹேக் செய்ய வேண்டிய  போனை அடையாளம் கண்டவுடன்,  தீங்கிழைக்கும் வலைத்தள இணைப்பை அனுப்புகிறார்கள், அதை குறிப்பிட்ட பயனர் கிளிக் செய்ததும் அவரின் போனில் பெகாசஸ் நிறுவப்படும்.இது வாட்ஸ்அப் காலில் உள்ள செக்யூரிட்டி பக்(security bug) வழியாகவும் நிறுப்படுகிறது.இதில் மிகவும் மோசமான முறை கால் மெத்தேட்.(call method) ஒரு குறிப்பிட்ட பயனருக்கு ஒரு மிஸ்டு காலை கொடுப்பதன்  மூலமும் இதை இன்ஸ்டால் செய்யலாம். குறிப்பிட்ட மென்பொருள் நிறுவப்பட்டதும், அது கால் லாக்-இல்(call lock) இருந்து குறிப்பிட்ட பதிவை நீக்கும், இதனால் குறிப்பிட்ட மிஸ்டு கால் குறித்தும்  பயனருக்குத் தெரியாது.

பெகாசஸ் ஒரு ஸ்மார்ட்போனுக்கு வந்தவுடன்,பயனரை முழுமையாக உளவு பார்க்கும் . வாட்ஸ்அப் மூலம் செய்யப்பட்ட எண்ட் டூ எண்ட்(end to end) குறியாக்கம் செய்யப்பட்ட சாட்களை க்கூட பெகாசஸால் அணுக முடியும். மொபைலிருந்து மேசேஜ்,புகைப்படங்கள்,வீடியோக்கள் இருப்பிடத் தரவு மற்றும் மின்னஞ்சல் போன்ற அனைத்து தகவல்களையும் திருட முடியும்.மேலும் தொலைபேசி அழைப்புகளையும் ஒட்டு கேட்க முடியும் என்று பாதுகாப்பு ஆராய்ச்சியாளர்கள் கண்டறிந்துள்ளனர்

மேலும் அதை கட்டுபடுத்துபவர்களுடன் 60 நாட்களுக்கு மேல் தொடர்புகொள்ள முடியவில்லையென்றலோ  அல்லது தவறான போனில் இன்ஸ்டால் செய்யப்பட்டிருந்தலோ தானாகவே அழிந்து கொள்ளும் வகையில் அது வடிவமைக்கப்பட்டுள்ளது என்பது குறிப்பிடத்தக்கது.

Read More